Д-р Ванче Какашевски
Специјалист по гинекологија и акушерство
ПОЛИЦИСТИЧНИ ЈАЈНИЦИ
Постои една состојба (болест) која е доста честа и доколку навреме не се дијагностицира и лекува може да предизвика некои одредени здравствени нарушувања.
Доколку имате :
- поретки менструации;
- целулит или вишок на масно ткиво околу стомакот;
- зголемена влакнетост на лицето и телото;
- акни (мозолчиња);
- мрсна кожа;
- потешкоти со забременување…
Обратете се кај вашиот гинеколог, бидејки најверојатно имате СИНДРОМ НА ПОЛИЦИСТИЧНИ ЈАЈНИЦИ.
Тоа е збир на некои од погоре спомнатите симптоми .
Дијагнозата е едноставна и лесна, на ултразвук (ехо) се гледаат двојно зголемени јајници, со цисти под кората на јајниците, а со помош на лабораториски методи се анализираат нарушените хормони.
Важно е да се знае дека полицистични јајници има кај секоја трета жена, а само кај 5-10% ќе се развие болеста.
Оваа состојба или болест носи одредени ризици како:
– нарушени и обилни крварења;
– ризик од спонтан абортус;
– нарушени маснотии и холестерол;
-поголем ризик од дијабетес поради инсулинската интолеранција…
Се лекува на природен начин и со хормонска терапија, а хируршкото лекување скоро и да е напуштено, иако во минатото често се практикувало.
Важен совет за тинејџерската популација која е загрижена за мозолчињата, влакнетоста и целулитот:
Само со промена на начинот на живот и исхрана, овие состојби исчезнуваат за само неколку месеци.
Затоа:
-спортувајте, џогирајте или едноставно пешачете редовно и без прекин;
-исфрлете ја брзата храна: хамбургери, конзервирани месни производи, помфрит, чипс, мрсна пржена храна и сл.
-внесувајте доволно свежа храна: овошје и зеленчук…
Со ваков стил на живот не само што ќе ги средите хормоналните нарушувања и проблемите кои ги споменав на почеток, туку и целокупното здравје ќе ви биде на завидно ниво.