Десет члена екипа на Планинарското спортско друштво ПРОБИШТИП составена од девет планинари и една планинарка од САД беа дел од овогодинешната тура на Пелистер а во чест на Диме Илиевски – Мурато. Го искачија врвот Пелистер висок 2601 мнв и одадоа почит на првиот македонец кој го освои врвот на светот.
Над 500 планинари, меѓу нив и околу 70 жени планинарки се искачија на Пелистер, ставија цвеќе на Димев Врв, и оддадоа почит на Димитар Илиевски Мурато, првиот Македонец кој пред 34 години го освои највисокиот врв на планетата, Монт Еверест.
Традиционалниот марш се одржува во чест и слава на Димитар Илиевски-Мурато, по планинарска патека долга 26 километри.
Планинарскиот марш е востановен во 1989 година, истата година кога битолчанецот Димитар Илиевски-Мурато, како член на македонската алпинистичко-хималајска експедиција „Еверест 89″ се искачи на највисокиот врв на светот Еверест, развиори знаме, но за жал не успеа да се врати до базниот логор, останувајќи вечно на Хималаите.
СПД ПРОБИШТИП
