Учениците дадоа заклетва дека нема да учествуваат и ќе се спротистават на секој вид на врсничко насилство
,,Крени глас против врсничкото насилство “ е насловот на работилницата и низата активности организирани и реализирани од учениците од деветто а одделение од ООУ ,,Никола Карев”.
Со активностите беа опфатени учениците од петто и шесто одделение.
Целта на работилницата е учениците да се запознаат со видовите на врсничкото насилство,да научат како да постапат доколку бидат сведоци или жртви на врснички насилство и најважно од сѐ да сфатат дека и малите дела можат да го променат светот.
Овој проект побуди голем интерес не само кај учениците што беа ставени во улога на предавачи, туку и кај учениците-слушатели.
По низата интересни активности за време на работилниците, учениците дадоа заклетва дека нема да учествуваат и ќе се спротистават на секој вид на врсничко насилство.
