Зимскиот распуст е време кога детската радост блика насекаде. Време кога децата се радуваат на ситни нешта и имаат скромни желби.
Затоа зимата е посебна. Само тогаш природата знае да ја напише најубавата зимска сказна. Убава е заради празниците. Тука се Нова година, Божиќ и Бадник, кои знаат сите да не соберат до оние кои ни се најблиски. Најблиску до луѓето и до Бога.
Токму овие празнични денови беа инспирација за нашата ученичка ВАНЕСА ДАВИТКОВА од ООУ „Никола Карев“ од Пробиштип, која на литературниот конкурс во организација на Милица Паулус освои две престижни награди, на најубавите теми за најголемите христијански празници. „Коледарско утро“ и „Божиќна песна“ се творбите кои навистина заслужуваат престиж и награда. Песни, кои Ванеса на оригинален детски начин ни ја опишува традицијата за овие празници. Преубави стихови кои вредат да се прочитат.
Честитки за Ванеса. Уште многу престижни награди во иднина.
Маријана Ефремова Кралевска
