Д-р Емилија Милановска – Матичен доктор
ЛЕТНА ДЕПРЕСИЈА
(Сезонско афективно нарушување во лето)
Со доаѓање на летото и високите температури, многу често може да се јави сезонско афективно нарушување – летна депресија.
Таа појава е многу зачестена а се манифестира така што лицето чувствува пад на енергијата, недостаток на волја, лошо расположение, иритабилност, дури и помала потреба за било каков контакт со други лица, пореметување на спиењето-несоница.
Кои се причините за појавата на летната депресија со сигурност не се знае, но се претпоставува дека има промена во излачувањето на одредени невротрансмитери како сератонинот и мелатонинот ( научно е докажано дека ниското ниво на сератонин предизвикува депресија)
Симптоми кои се поврзуваат со летна депресија се:
– раздразливост
– недостаток на мотивација
– недостаток на сон – тешко се заспива
– изолација, прекинување на социјалните контакти
– недостаток на енергија
Ако ви се појават некои од овие симптоми, веднаш јавете се на вашиот матичен доктор кој ќе ве упати кај стручно лице за помош-психијатар.
Како сами да си помогнете:
1. Треба да се воспостави хигиена ( режим ) на спиење.
Спиењето да се организира во слично време и да се избегнува дремење во текот на денот.
2. Излезете на сонце. Доволно е само 30 минути во денот за да го надополните витаминот Д. Секогаш предходно нанесувајте крема за сончање со висок заштитен фактор.
3. Внимавајте што јадете. Здрава, редовна и разновидна исхрана, богата со витамини и минерали, житарици, позитивно ќе влијае на чувството на замор.
4. Јавете се на вашиот матичен доктор кој ќе ве испрати на психијатар и ќе ви помогне со совети како побргу да излезете од оваа состојба.
5. Наместо да седите дома затворени и да губите време на Инстаграм или Фејсбук и да мислите на туѓите идеални животи, најдете време да се релаксирате и ослободите од непотребниот стрес.
Уживајте во летото, сонцето, надополнете го витаминот Д , кој ќе го зголеми производството на сератонин и тогаш летото ќе биде прекрасно и ќе уживате во неговите убавини.
