Д-р Емилија Милановска – Матичен доктор
ЗАПЕК
(ОПСТИПАЦИЈА, КОНСТИПАЦИЈА)
Констипацијата е релативно чест проблем кој се јавува лесно и релативно лесно поминува, со мали промени на животните навики.
Таа се манифестира во два облика:
- празнењето е поретко од вообичаено
- столицата е исклучително тврда, а со тоа и болна
Се јавуваат грчеви во долниот дел од стомакот и надувување.
Опстипацијата представува потполн престанок на празнење на дебелото црево, а со тоа е далеку поопасна и посериозна. Се јавуваат упорни грчеви и болка во стомакот, кркорење на цревата, надувување на стомакот, непријатен здив од устата. Ако опстипацијата потрае може да се појават мачнина и повраќање, дури и посериозни компликации.
Најчести причини за појава на запек се:
- недостаток на вода
- внесување на храна со малку растителни влакна
- внесување на големи количини млеко
- постари лица
- намалена физичка активност
- стрес
- прекумерно користење на лаксативи
- воспалителни болести на цревата
- хемороиди
Симптоми на запек:
- помалку од 3 столици неделно
- оскудна, сува и тврда столица, често во облик на топчиња
- болка и грчење во стомакот и при вршење на нужда
- чувство на непотполно испразнето црево
- непријатност, надуеност, и чувство на полн ректум
- мачнина, повраќање, киселина
- замор
- Лекување на запекот:
- промена на исхраната и животните навики
- да се внесе исхрана богата со растителни влакна како што е овошје, зеленчук, житарици, суви сливи, семки, грав, леќа, слануток,
- да се намали внесот на сол, шеќер, месо и млечни производи
- да се зголеми внесот на течности, најмалку 2л дневно
- да се намали внесот на алкохол и кафе кои делуваат диуретски и ја исфрлаат водата од организмот
- внес на пробиотска храна (пробиотски јогурт)
- зголемена физичка активност
- да не се одложува нагонот на дефекација
- Постојат природни лаксативи:
– мелени семки од лен
– суви сливи и смокви
– семе од чиа
- медицински препарати во вид на таблети, чепчиња, чаеви