Д-р Емилија Милановска – Матичен доктор
ДИЈАБЕТЕС МЕЛИТУС- ШЕЌЕРНА БОЛЕСТ
Дијабетесот е хронично заболување кое се манифестира со покачено ниво на гликоза во крвта.
Таа е болест на модерното време, широко распространета во целиот свет.
Кои се фактори доведуваат до дијабетес мелитус тип 2 :
– неправилна исхрана и зголемена телесна тежина
– неактивен животен стил – употреба на некои медикаменти (на пример стероиди)
– генетски фактори ( наследени предиспозиции од родителите)
– возраста ( повозрасните од 45 години имаат поголем ризик)
Дијабетесот е тивок, подмолен и често пати се открива дури кога се појавуваат компликациите.
Постојат предупредувачки симптоми кои најчесто се благи и тешки за препознавање :
– глад и замор – мокрење повеќе од вообичаеното
– хронична жед – сува уста и кожа
– замаглен вид
Типични симптоми на дијабетес тип 2 се:
-чести и упорни габични инфекции
– споро заздравување на рани
– болки и чувство на вкочанетост во нозете и стапалата
Треба веднаш да се јавите на доктор доколку :
– се чувствувате слабо, малаксано
– сте постојано жедни – ако имате сладок здив со мирис на ацетон
– дишете многу длабоко и побрзо од вообичаено
– имате силни болки во стомакот
Дијабетесот тип 2 се лекува со:
– промена на начинот на живот
– медикаменти ( лекови) – инсулин
Добро регулиран дијабетес води во долг и квалитетен живот.
