Д-р Ванче Какашевски
Специјалист по гинекологија и акушерство
Вагиналната сувост е поприлично чест проблем кај жените, за кој за жал многу ретко се бара помош или информација. Се јавува пред и во менопауза, но и во случаи како после гинеколошка операција, бременост, доење, при употреба на антихистаминици, антидепресиви, кај болни од карцином…
Причинител на овој проблем најчесто е естрогениот хормон- хормон на јајникот, кој се губи во менопаузата, но може да се јави како последица на стрес и зголеменото количество на кортизол од надбубрежната жлезда ( особено кај жените со зголемена телесна тежина), истоштеност, непраилна исхрана, небалансиран начин на живот или кај некои потешки заболувања.
Естрогенот дава подршка на хидратацијата, лачењето и дебелината на слузницата на вагината, па како што опаѓа естрогенот, така слузницата станува тенка ( атрофична), помалку еластична, сува…показатели кои укажуваат на вагинална атрофија. Во таков случај се јавува сувост, пецкање, чешање, нелагодност при сексуални односи и чести инфекции.
Во вакви ситуации советувам прво природни облици на лекување, што подразбира: контрола на стресот, правилна исхрана, постојана физичка активност, редовен и квалитетен сон.
Многу важно е постојано да сте добро хидрирани, бидејки водата е лек за навистина многу болести. И покрај тоа што се јавуваат билни сексуални односи, препорачливо е да се практицираат почесто, бидејки при однос се зголемува прокрвеноста на вагиналната слузница, зголемувајки го дотокот на крв.
Користење на ладно цеденото кокосово масло и масло од алое вера локално, пробиотици или јогурт, витамин Е , можат значително да ви ја олеснат состојбата .
Како терапија може да се користи и Оестреофакт ХЛ вагиналети кои содржат хиалуронска и млечна киселина, кои ја штитат слузницата на вагината и создаваат услови за нејзина обнова, а ја корегираат и pH вредноста ( киселоста) на вагината , оневозможувајки развој на патогени мокроорганизми.
Консултативен, едукативан разговор со вашиот гинеколог ќе допринесе полесно да ја надминете ваквата состојба, со што ќе ви се подобри квалитетот на живот.